ليه؟
أصعب وأغبى سؤال في الدنيا ممكن تسأله لنفسك "ليه؟!"
وفي نفس الوقت أصعب سؤال تقدر تهرب منه او تلاقيله إجابة...
عن نفسي زهقت من كلمة "ليه؟!" ومع كدة مش قادر أخليها تفارقني...
ليه انا ؟
ليه كل ده ؟
ليه عشت كل ده ؟
ليه الأحداث سريعة والنتايج بطيئة ؟
ليه دايمًا مش بلحق أقرر حاجة ؟
ليه دايمًا ببقى مضطر ؟
ليه كل ما أحس إن في أمل تتعقد في وشي ؟
ليه مفيش حاجة بتمشى طبيعية ؟
ليه دايمُا في ظروف خاصة وأحداث خاصة ؟
ليه أنا بالذات ؟
شبكة غبية من الأسئلة...
أول ما تتخيل انك عرفت أجابة سؤال، تفاجئك الحياة بهدم نظريتك من الأساس...
السؤال الأعجب : ليه أنا عايش لحد دلوقتي ؟
أو ليه لسه بسأل نفس الأسئلة وأنا عارف ان ملهاش إجابة ؟
ليه مش بتعلم أن الحياة دي مش ليا ؟
ليه مبسبهاش بإرادتي من بدري ؟
ليه كل ما بيأس بقتنع ان في أمل ؟
وليه كل ما اتفائل اكتشف ان مفيش فايدة ؟
ليه كتبت أساسًا كل ده ؟
ليه ؟
0 comments:
Post a Comment